Іс-шара Central Asian University базасында Cisco Networking Academy-мен бірлесіп ұйымдастырылды. Аталған жарыс әртүрлі елдер мен жетекші университеттердің қатысушыларын біріктіріп, ақпараттық қауіпсіздік саласындағы практикалық дағдыларды көрсетуге арналған аймақтағы ең ірі алаңдардың бірі болды. Қатысушылар Web Exploitation, Cryptography, Reverse Engineering, Network Security және Digital Forensics бағыттары бойынша тапсырмалар орындады.
DD0ST4R командасының құрамында өнер көрсеткен Нугуманов Арсен жоғары дайындық деңгейін, кәсібилігін және тиімді командалық жұмысты көрсетіп, халықаралық қатысушылар арасында 1 орынды иеленді.
Жарыс қорытындысы бойынша команда 60 000 000 өзбек сомы көлемінде ақшалай сыйлықпен марапатталды.
Команда менторы — «Нархоз» Университетінің және цифрлық технологиялар мектебінің түлегі Шохзод Рахматов.
